Аԥсны ААР: ауааԥсыра атәылауаҩшәҟәқәа рыҭара ахыркәшарахь инеиуеит

© Sputnik Сария Кварацхелияауааԥсыра атәылауаҩшәҟәқәа рыҭара ахыркәшарахь инеиуеит
ауааԥсыра атәылауаҩшәҟәқәа рыҭара ахыркәшарахь инеиуеит - Sputnik Аҧсны
Анапаҵаҩра
НовостиTelegram
Аԥсны ААР адырра ҟанаҵоит атәылауҩшәҟәқәа рыҭаратә Усбарҭақәа зегьы аштаттә режим ала аус руеит, атәылауаа рҟынтәи адокументқәа рыдкылара мҩаԥыргоит ҳәа.

АҞӘА, ажьырныҳәа 28 – Sputnik. Аԥсны ауааԥсыра атәылауаҩшәҟәқәа рыҭара ахыркәшарахь инеиуеит ҳәа аанацҳауеит Аҩныҵҟатәи аусқәа рминистрра апресс-маҵзура.

"Иахьазы иааидкыланы ареспубликаҿ ирыдыркылахьеит 148 106 рзаҳал азеиԥштәылауаҩшәҟәқәа рыԥсахразы, ирыҭоуп 141 000 тәылауаҩшәҟәы, 1927 документов документ рыҭара иазырхиоуп", - аанацҳауеит Аҩныҵҟатәи аусқәа рминистрра апресс-маҵзура.

Атәылауаҩшәҟәы - Sputnik Аҧсны
ААР: 9550 тәылауаҩшәҟәы ауааԥсыра рыҭаразы ихиоуп

Аиҳарак активла рхы аадырԥшуеит Аҟәа, Гәдоуҭа, Гагра араионқәа. Аҟәа ауааԥсыра ирыԥсаххьеит 44 000 тәылауаҩшәҟәы. 24000 тәылауаҩшәҟәы роухьеит Гәдоуҭа араион аҿы, 27 000 - Гагра араион аҿы.

Аҩныҵҟатәи аусқәа рминистрра адырра ҟанаҵоит аусбарҭақәа рахь анеира злымшо ауаа рзы аусбарҭа аинспектор рыҩныҟа днеины ашәҟәқәа шлыдылкыло.

"Ари амаҵзура рзыҟарҵоит аԥкыра змоу ауаа. ААР атәылауаҩшәҟәытә усбарҭа алабараториа еиҿнакаауеит ашәҟәқәа роуреи реиҿкаареи апроцедурақәа", - аҳәоит адырраҭараҿы.

Анхараз азин рыҭоуп 18 912 –ҩык.

Атәылауаҩшәҟә ҿыцқәа рыҭаразы аиқәыршәагақәа рышьақәыргылара иалагеит ареспубликаҟны 2015 шықәса, хәажәкырамзазы.

Иара убри аамҭазы атәылауаҩшәҟәқәа рбланкқәеи анхараз азиншәҟәы абланкқәеи рыдагьы ирхиан асервертә, акомпиутертә программақәа, иахәҭоу аиқәыршәагақәа.

"Аԥснеимадара" аимадаратә канал аԥнаҵеит. Уи еиднаҳәалеит апаспорттә столқәа зегьы.

Аԥсны атәылауаҩшәҟәқәа - Sputnik Аҧсны
Аԥсны атәылауаҩшәҟә ҿыцқәа роухьеит 120 000-ҩык ауааԥсыра

Аҧсны аминистрцәа Реилазаареи Афедералтә Аҳәынҭқарратә Унитартә Наплакы "Гознак" ирыбжьарҵаз аилаӡара анагӡара аҳәаақәа ирҭагӡаны Москватәи аспециалистцәа атәылауаҩшәҟәқәеи анхаразы азин аршаҳаҭгақәеи рыҭареи ҳасаб рзуреи рзы асистема ашьақәыргылара мҩаҧыргеит. Атәылауаҩшәҟәқәа ирыдҳәалоу азҵаарақәа иаку ацентр аус рыднауло ишьақәыргылан.

Адокумент ахьчара ду амоуп. Уи азы ахархәара рыҭоуп ҳаамҭазтәи ахьчаратә технологиақәа, иҷыданы абри адокумент азы иаԥҵаз ахьчаратә ҟазшьақәагьы абрахь иналаҵаны.

Дарбанызаалак аҽаӡәы адәныҟатәи аҳа ихы изамырхәо, асистема адәныҟантә аҭалара залмшо ишьақәыргылан.

Аԥсны атәылауаҩшәҟәы ҿыц аӡыргара мҩаԥысит Аԥсны Аминистрцәа реилазаараҿы 2015 шықәса, хәажәкырамзазы. Иара убри ашықәс азы ареспубликахь иааган 60 000 тәылауаҩшәҟәы. 2017 шықәса хәажәкырамзазы атәылауаҩшәҟәқәа рыҭара аҩбатәи аетап хацыркын.

2017 шықәса ԥхынҷкәынмзазы Аԥсны Адәныҟатәи аусқәа рминистр алаҳәара ҟаиҵеит арҭ атәылауаҩшәҟәқәа рыла аурыс-аԥсуа ҳәаа ахысра ҟалоит ҳәа 2018 шықәса инаркны.

Атәылауаҩшәҟәы кьыԥхьуп урыстәылатәи афабрика "Гознак" аҿы, ҳаамҭа иақәшәо атехнологиақәа рыла ахьчара ҳаракы аманы иҟоуп.

Иара убас шәаԥхьар ҟалоит:

Ажәабжьқәа зегьы
0