АҞӘА, ажьырныҳәа 28 - Sputnik. Аԥсны иҟоу Урыстәыла аладатәи арратә база атанкистцәа қәҿиарала аиндаҭларақәа мҩаԥыргеит, 49-тәи азеиԥш аруаа реиндаҭлара "Атанктә биатлон" аҽалархәразы.
"Хәажәкырамзазы иалкаау аекипажқәа Аладатәи арратә округ аҟны иреиӷьқәоу ирындаҭлараны иҟоуп. Ауснагӡатәқәа мҩаԥысуеит Жәларбжьаратәи арратә хәмарра-еиндаҭларақәа "АрМИ-2020" аҳәаақәа ирҭагӡаны", - аҳәоит адырраҭараҿы.
Аԥсны иҟоу урыстәылатәи арратә округ атанкқәа Т-72Б3 рекипажқәа 40 инарзынаԥшуа Адыгатәыла иҟоу аполигон Маикопски аҿы аиндаҭларатә уснагӡатәқәа мҩаԥыргеит ҳәа аанацҳауеит Арратә округ апресс-маҵзура.
"Атанк ҟәшақәа рыррамаҵзурауаа еиҭаҵуаз ацәҟьарақәа ирықәкны ихысуан, ацәҟьарақәа ҭадырхон 5 нызқь метра рҟынӡа ахарара рыҭаны, иҭадырхон "ирхаԥыруаз" аверталиотқәа, акәылӡтәы техника", - аҳәоит адырраҭараҿы.
"Ацәҟьарақәа" 60 секунд ракәын рбара аналшоз, уи аамҭа иалагӡаны иҭархатәын.
Аихшьааларатә гәаҭара аҳәаақәа ирҭагӡаны аруаа иара убасгьы аныҟәара ахьыуадаҩыз аҭыԥқәа ирхысуан, аиҩхаақәа ирҿысуан, аӡышьҭрақәа ирҭысуан.
Иара убас шәаԥхьар ҟалоит:
- Арратә округ аруаа аихеихаԥсатә техникала аҽазыҟаҵарақәа мҩаԥыргеит
-
Урыстәылатәи аԥшыхәцәа аротатә ҽазыҟаҵарақәа ирылагеит
