Урыстәыла атәылауаа апровинциа Хубеи ралгаразы аиҿцәажәарақәа цоит

© AFP 2022 / HECTOR RETAMALБорьба с новым коронавирусом в Китае
Борьба с новым коронавирусом в Китае - Sputnik Аҧсны
Анапаҵаҩра
НовостиTelegram
Авирус ҿыц ахы ахьцәырнагаз Китаитәи апровинциа Хубеи аҟны иҟоу 140-ҩык урыстәылаа. Дара арегион рызныжьуам ачымазара аҿкра аԥырҟәҟәааразы иалагалоу аԥкрақәа иахҟьаны.

АҞӘА, ажьырныҳәа 28 - Sputnik. Пекин иҟоу Урыстәыла ацҳаражәҳәарҭа анапхгареи китаитәи амчрақәа рхаҭарнакцәеи еилацәажәоит Урыстәыла атәылауаа апровинциа Хубеи ралгаразы, абри атәы аанацҳауеит адипмиссиа асаит.

Сайт МИД Абхазии - Sputnik Аҧсны
Адәныҟатәи аусқәа рминистрра Аԥсны атәылауаа Китаиҟа имцарц рабжьыргоит

Макьаназы адипломатцәа ишырҳәо ала атәымтәылауаа апровинциа ралҵра асхема аус адулам. Иҟоу адыррақәа рыла абри апровинциаҟны иахьазы 140-ҩык урыстәылаа ыҟоуп.

"Аҭыԥантәи амчрақәа азыхиоуп атәымтәылауаа ацхыраара рыҭара, аха макьаназы иҟоу арежим шыҟоу иаанхарц рҽазыршәоит. Атәымтәылауаа ирабжьыргоит иахьыҟоу аҭыԥқәа ирхымсырц, ачымазара азыԥхьагәаҭара аԥҟарақәа нарыгӡаларц", - аҳәоит асаит адырраҭараҿ.

Китаитәи амчрақәа ԥхынҷкәын 31 2019 шықәса рзы алаҳәара ҟарҵеит идырым ачымазарахк ахы цәырнагеит ақалақь Ухань аҿы ҳәа. Аҟазауаа ишьақәдыргылеит ачымазара цәырызгаз коронавирус ахк ҿыц - 2019-nCoV шакәу.

Китаи анапхгара официалла ирҳәеит авирус ауаҩы иҟынтәи ауаҩ иахь еиҭасуеит ҳәа. Убри аан иара еиҳарак ииасуеит ҳауала. Амедицина аусзуҩцәа авирус еиҭа аҽаԥсахыр ҟалоит ҳәагьы рҳәоит.

Коронавирус - 2019-nCoV Китаи аҳәаақәа ирҭыҵны Алада Кореиа, Иапониа, ЕАА, Таиланд, Сингапур, Гонконг, Австралиа атәылақәа рҟны иҟоуп ичмазаҩхаз ауааԥсыра.

Иара убас шәаԥхьар ҟалоит:

Ажәабжьқәа зегьы
0