Арадио Sputnik Аԥсны ихацнаркит арубрика ҿыц "Мышкы раионк аԥсҭазаараҟынтә". Уи аҳәаақәа ирҭагӡаны мчыбжьык ахь знык Аԥсны араионқәа рахьтә акы алкааны еилаҳкаалоит уа ақыҭанхамҩа, акультура, аҵарадырра, агәабзиара уҳәа аԥсҭазаара ахырхарҭақәа зегь рыла рнапы злаку аусқәа шцо.
Гагра араион иамшны иазгәаҭоуп аԥшьаша.
"Аҵаҩцәа аолимпиада ирнаҭо маҷӡам ҳәа агәаанагара сымоуп, ара ашколтә программа амацара акәым, акласс анҭыҵтәи, иара ашкол аҿы изхымсуагьы адыррақәа рнаҭоит. Акызаҵәык, иахьазы аолимпиада зхы алазырхәуа 500-ҩык инарзынаԥшуа ҳамоуп, аха еиҳазарагьы ҟалоит. Иҟоуп аҵаҩцәа уахь имцо, ма рҭаацәа ирҭахӡам, избанзар Урыстәыла иреиҳау аҵараиурҭақәа рахь иҭалоит, уа ианалгалакгьы, арахь аарагьы рҭахым. Уи аҟнытә акадрқәа ԥыҭк ҳцәыӡуеит ҳәа исыԥхьаӡоит, аха ҵыԥх иалгаз ҳаушьҭымҭацәа реиҳараҩык араион аҟнытә ААУ иҭалеит, уи агәахәа ду ҳнаҭоит", - ҳәа еиҭалҳәеит Сыҷынааԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
