Адлеиԥҳа: ашколқәа рҟны акарантин алаҳгалартә аҭагылазаашьа ыҟам
"Есышықәса ицәырҵуа агрипп чымазара ахы акит. Ашколқәа рҟны иагу ахәыҷқәа рхыԥхьаӡара рацәоуп. Еиҳарак аҵаҩцәа ахьагу ажәабатәи, аҩбатәи, аԥшьбатәи, ахәбатәи, ахԥатәи ашколқәа роуп, уаҟа иҭоу ахәыҷқәа рхыԥхьаӡара зқьи ҩышәҩык инареиҳаны иҟоуп. Иааидкыланы иуҳәозар, ашколқәа ирҭоу 8 нызқьи 435-ҩык рҟынтәи иахьазы иагуп 937-ҩык, убри аҟынтәи акарантин алаҳгалартә еиԥш аҭагылазаашьа макьана иҟам. Ичмазаҩу ахәыҷқәа шԥаҟам, аха аҭаацәа шәаны ашкол ахь иназмышьҭуагьы рацәоуп. Ҳара адҵа ҟаҳҵеит ашкол иагхо амедицинатә қьаадқәа рыманы иааирц", - лҳәеит Алдлеиԥҳа.
Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир аҟны.
