Микрофон  - Sputnik Аҧсны
Арадио

Габниа: ҩныс иҳамоу Аԥсны ацқьара, абзиара аназааҳамга, зегь ҳзы ицәгьахоит

© Sputnik / Томас ТхайцукДаниил Габниа
Даниил Габниа  - Sputnik Аҧсны
Анапаҵаҩра
НовостиTelegram
Гәдоуҭа апарк-плиажтә нхамҩа аиҳабы Даниил Габниа арадио Sputnik Аԥсны аефир аҟны еиҭеиҳәеит рнапы злаку, ақалақь аҟны ацқьара алыршаразы уазыҟазар шахәҭоу.
Хра злоу ахҭысқәа: Габниа Гәдоуҭа ақалақь аҟны ацқьара азҵаара иазкны

"Ашьыжь асааҭ ааба инаркны ахәылбыҽха фба рҟынӡа аус ҳуеит. Аусуцәа атәым милаҭ еиуоу фҩык ыҟоуп, саргьы рганаҟны сгыланы срыцхраауеит. Аус анеицаҳуа, иаҳа еиӷьхоит алҵшәа. Аԥсны Афырхаҵа Осман Гәымба ихьӡ зху Гәдоуҭатәи апарк хада аԥхын асасцәа рацәаны иаҭаауеит. Хымз аԥхын еиҳарак ҳусурақәа уаҟа имҩаԥаҳгоит. Уажәааигәа уи апарки амшын ацәаҳәеи рҟны атәарҭақәа зегьы ҳаԥсахит. Ҳауаажәлар уи агәахәара рнаҭеит, уаҟа рыԥсы ршьоит. Сҩызцәа, сеиҳабацәа, сықалақьуаа асоциалтә даҟьаҟны ажәа ԥхақәа анырҵоит, ацхыраара ахьаҭаху иҳадгылоит. Ари аус ҳнапы злаку аӡәы мацара инаигӡеит ҳәа аҳәара иашам, Гәдоуҭа иқәынхо зегьы ҳамчқәа еидаҳҵоит. Ҳара ҳалиааит Гәдоуҭа ақалақь–фырхаҵа, уаҟа иахьа ирызҳауеит ҳхәыҷқәа, ус еиԥш аус аҟны ҳаивагылароуп. Досу идыруазароуп, аҩны днеины иашьҭахь ашә аирклацыԥхьаӡа уаҳа хьаа имам ҳәа дхәыцуазар шиашам. Аныс иҳамоу ҳаҩны Аԥсны ацқьара, абзиара аназааҳамга, зегь ҳзы ицәгьахоит ҳәа сгәы иаанагоит",- иҳәеит Габниа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0