"2005 шықәсазы аусура аҟынтә аԥсшьарахь сыиасит. Уи ашықәсан разҟыс исоуит аԥсуааи азыхәцәеи ҳаилахәны иҳамоу Адаԥазар аидгыла аҟынтә Анкараҟа аԥсшәа дзырҵо арҵаҩцәа рзы акурсқәа рахь ҳахьдәықәырҵоз. Уаҟа аҩышьа, аԥхьашьа ҳдырҵон. Аԥхьара саналага исзымдыруаз ажәақәа сԥыло иалагеит Аԥснынтәи иаазгоз ашәҟәқәа рҟны. Уи ашьҭахь ажәарқәа срышьҭало салагеит. Ус исзымдыруаз ажәақәа еизызго ажәар ашьапы скит 15 шықәса раԥхьа. Схазы салагеит, аха уи ашьҭахь сара сеиԥш иззымдыруа ирыхәарҭахап ҳәа, изҭаххоз раԥхьа 10 бӷьыц рзысышьҭуа салагеит. Уи ашьҭахь 100 бӷьыцк ҟалеит, анаҩс 500. Сҩызцәа шәҟәыс иҟаҳҵап ҳәа сарҳәо иалагеит. Атехнологиақәа сара срымаҭәам, аҿарацәа урҭ ирымаҭәу ирбан амобилтә телефон аҟны ҭырқәшәала иуыҩыр аԥсшәа унаҭо, аԥсышәала иуыҩыр аҭырқәшәала ишыҟоу унаҭо иҟалеит. Убас еиҿкаауп ари ажәар", -иҳәеит Ахәаҷба.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ахәаҷба Адаԥазар аԥсуа-адыга хеилак рхыбра ҿыц аартразы: ҳаԥсуара еиқәҳархарц ҳҭахуп
-
Ирфан Ахәаҷба: 25 нызықь ажәа знылаз аԥсуа-аҭырқәа жәар ахархәараҿы иманшәалоуп
