АҞӘА, жәабран 11 - Sputnik. Апартиа "Акзаара" иахьа аизара ду аҟны атәыла ахадарахьы кандидатс Леонид Ӡаԥшьба дықәнаргылеит. Абри атәы ааицҳауеит Sputnik акорреспондент.
Апартиа аизара ду мҩаԥысуеит Аҟәа. Ӡаԥшьба икандидатура азҵаара ахәаԥшразы еицҿакрыла абжьы ҭин.
Аԥсны АКХ, ажьырныҳәа 24 рзы ашәҟәы иҭанагалеит аполитикатә партиа "Акзаара" ("Единство"), атәыла ахада иалхразы акандидатура ақәыргылараз. Абри ашьҭахь, иахьа, апартиа аизара ду мҩаԥнагеит акандидатура ашьақәырӷәӷәаразы.
Аԥсны ахада иалхрақәа мҩаԥысраны иҟоуп 2020 шықәса хәажәкыра 22 рзы. Иахьатәи аамҭазы АКХ аҟны ашәҟәы иҭагалоуп Адгәыр Арӡынбеи Аслан Бжьаниеи кандидатцәас иқәзыргыло аԥшьгаратә гәыԥқәа ҩба.
Иара убас шәаԥхьар ҟалоит:
-
Аԥшьгаратә гәыԥ АКХ аҟны ашәҟәы дҭаргалеит Адгәыр Арӡынба
-
Sputnik амчыбжь: акандидат ҿыц, абахҭаҿы ауаҩшьра, амитингқәа
