Ҳазлацәажәаша ҳамоуп: Џьынџьалԥҳа Тҟәарчал ауахәама аргыларазы атендер иазкны
"Ажьырныҳәа 20 рзы ирылаҳҳәеит иԥшьоу аҭыԥ аргылара рхы аладырхәырц еиуеиԥшым аилахәрақәа. Ирылаҳҳәеит аԥҟарақәа жәаба, урҭ еилыркаарц рылшон афонд "Ашана" иадҵаалар. Ирацәаҩуп аҭел иасуаз, аха иахьазы аргыларатә еилахәрак ауп иахәҭоу ашәҟәқәа аазышьҭыз. Убри аҟынтәи иҳаӡбеит атендер ирылаҳҳәаз аҽҳәара даҽа хәымш ацаҳҵарц. Иҳадҵаалаз Тҟәарчалтәи аргыларатә еилахәра ауп", - ҳәа адырра ҟалҵеит Џьынџьалԥҳа.
Лара убасгьы иазгәалҭеит жәабран 20 рзы Тҟәарчал ақалақь аҟны ауахәама ахьыргылахо аҭыԥаҿы ахаҳә шышьҭаҵахо, акультура аҩнаҟны аконцерт шымҩаԥгахо.
Шәазыӡырҩла арадио Sputnik Аԥсны аефир.
Иара убас шәаԥхьар ҟалоит:
