Apple коронавирус иахырҟьаны iPhone ралагалара ԥнакуеит

© Sputnik / Ирина Калашникова / Амедиаҵәахырҭахь аиасраЗнак Apple на фасаде дома
Знак Apple на фасаде дома - Sputnik Аҧсны
Анапаҵаҩра
Акоронавирус адунеитә економика аҿиара анырра анаҭоит. Аҭагылазаашьа иаҿырԥшны анефҭ ахә каҳаит, ахьы ахә шьҭыҵит, аилахәырақәа рааглыхра ԥыркуеит.

АҞӘА, жәабран 18 - Sputnik. Америкатәи аилахәыра Apple iPhone раагара ԥнакуеит Китаи акоронавирус аҟазаара иахҟьаны ҳәа аанацҳауеит амаҵзура Bloomberg.

Асмартфонқәа ахьеидыркыло Китаи ауп. Уажәы дара рҭыжьра еиҵатәхеит COVID19 иахырҟьаны.

Борьба с коронавирусом - Sputnik Аҧсны
ВОЗ коронавирус зызшәарҭоу агәыԥқәа алыркааит

Аилахәыра аоисқәеи адәқьанқәеи анаркит Китаи. Apple ахаҭарнакцәа аҳәамҭа ҟарҵеит иазыԥхьагәаҭаз алҵшәа зыҟалом 2020 шықәса аԥхьатәи аԥшьбараз ҳәа.

Аекспертцәа ргәаанагарала акоронавирус адунеитә економика аҿиара анырра анаҭоит. Аҭагылазаашьа иаҿырԥшны анефҭ ахә каҳаит, ахьы ахә шьҭыҵит, аилахәырақәа рааглыхра ԥыркуеит.

Китаи анапхгара ԥхынҷкәын 31 2019 шықәса рзы аҳәамҭа ҟарҵеит апровинциа Хубеи аҳҭнықалақь Ухань ачымазара ҿкы ҿыц— коронавирус 2019-nCoV шцәырҵыз.

Акоронавирус инадҳәаланы адунеи зегьы аҿы анырра ыҟоуп. Убас, Барселона имҩаԥысраны иҟаз амобилтә индустриа жәларбжьаратәи ацәыргақәҵа Mobile World Congress (MWC) арыцхә еиҭаркит.

Иахьатәи аамҭазы коронавирус Китаи измо рхыԥхьаӡара 72,4 нызқь инаӡоит. Китаи анҭыҵ –700-ҩык.

Ажәабжьқәа зегьы
0