Sputnik
Венесуела анефҭыҵхра аусхк аҟны ареформақәа ирылагеит ЕАА асанкциақәа рҽырцәыхьчаразы. Абри азы аусԥҟа инапы аҵеиҩит атәыла ахада Николас Мадуро.
"Аконституциеи иара убас ахада иусԥҟеи инарықәыршәаны анефҭыҵхратә усхк аҟны аҭагылазаашьа ҷыда рылаҳәоуп, ишалшо ала ирласны иахәҭоу ауснагӡатәқәа рыдкыларазы. Урҭ хымԥада инагӡатәны иҟоуп атәыла аенергетикатә шәарҭадареи ааглыхра ахьчареи ралыршаразы", - иҳәеит Мадуро анефҭыҵхратә усхк ахаҭарнакцәа данырԥылоз. Ахада иқәгылара Twitter аҟынтәи иаккаунт ала идырбан.
#EnVivo 📹 | Conformación de los Consejos Productivos de Trabajadores y Trabajadoras de los sectores: petrolero, petroquímico y gasífero. ¡Juntos por una #SoberaníaEnergética!https://t.co/FVmn1kdZlm
— Nicolás Maduro (@NicolasMaduro) February 19, 2020
Мадуро иажәақәа рыла, иаԥҵахо акомиссиа иахәҭоу амчрақәа аиуеит анефҭтә усхк зегьы аиҭакразы.
ЕАА аҩашаҽны венесуелатәи асанкциақәа рсиахь иаланагалеит швеицариатәи Rosneft Trading SA (Роснефть" аструктура), уи адиректорцәа рхеилак ахантәаҩы Дидье Касимиро. ЕАА адгылаҩцәа, хаҭала Европа, 90 мшы рнаҭоит Rosneft Trading дареи реизыҟазаашьақәа ԥдыргарц. Дара Rosneft Trading ахара адырҵоит венесуелатәи анефҭ адәныҟатә џьармыкьақәа рахь икылнагоит ҳәа.
Урыстәыла ахадараҿ Афинанстә университет асоциал-економикатә ҭҵаарақәа Ринститут адиректор Алексеи Зубец иазиԥхьаӡоит ари аҭагылазаашьа зыдҳәалоу ЕАА имҩаԥысраны иҟоу алхрақәа роуп ҳәа.
"Дональд Трамп иеиҭалхразы ЕАА инхо алатынамерикатә уаԥшь рыдгылара иоур иҭахуп азоуп. Урҭ ареспубликанеццәа еиҳа ирыдгылоит, Ацентртә Америка рсоциалист еиҳабырақәа рацәак бзиа ирбаӡом. Трамп алхрақәа раан скандидатура адгылара ашәҭар, Венесуела аиҳабыра рықәгараҿы сшәыцхраауеит ҳәа ажәа риҭеит. Уи азоуп ЕАА венесуелатәи анефҭ аимпорт аԥкра зазнауагьы. Економикатә блокадоуп, иззырхо веенсуелатәи аекономика ахәаҽроуп", - иҳәеит Алексеи Зубец арадио Sputnik аефир аҿы.
Иара игәаанагарала Венесуела ус акә, егьыс акә анефҭтә усхк ареформақәа азнауроуп.
Ажьырныҳәа 21, 2019 шықәса рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.
Усҟан Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла.
Урыстәыла, Китаи, Ҭырқәтәыла, егьырҭ атәылақәак Мадуро адгылара ирҭоит аконституциатә шьаҭа зманы иҟоу атәыла ахадак иаҳасаб ала.
Иара убас шәаԥхьар ҟалоит:
-
Венесуела 130 миллиард доллар ацәыӡит ЕАА асанкциақәа ирхырҟьаны
-
Венесуела Америкатәи аҳәынҭқаррақәа реиҿкаара иалҵуеит
