"Аҟәеи Аҟәа араиони Аԥсны иреиҳау раионқәоуп аррамаҵзура иаҵанакуа ахьынхо. Ҳәарада, арра маҵзура згәы азыҳәо ыҟоуп, аха акызаҵәык иазгәаҭатәуп есышықәса атәым милаҭ рахьынтә арра иахысуа рхыԥхьаӡара иаҳа-иаҳа ишмаҷхо. Ирацәаҩны аерманцәа Урыстәыла рыҽҭарыҩуеит аҭыԥан арра иахымсырц азы. Ус, арра маҵзура иахысуа рхыԥхьаӡара маҷхоит ҳәа ҳазҳәаӡом. Акызаҵәык, аҭаацәеи аҳәынҭқарреи ахәыҷқәа ргәабзиара гәцаракны ирымазароуп. Иахьа аспорт аганахь зхы хам рацәоуп. Ауада иҩнартәаны ирааӡо уи игәабзиара ԥсыҽуп. Уи адагьы Урыстәыла иҭало ҳхәыҷқәа ҩышықәса рынахыс аррахь ҳрыԥхьароуп, аха дара рҵара иацырҵоит, ус фба, быжьба шықәса мҩасуеит. Асовет аамҭазы иҟан азакәан, ахәыҷы иҵара даналгалакгьы арра дымцар ауамызт", - ҳәа еиҭеиҳәеит Голанӡиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
