Москва Sputnik Естониа иадгыланы ақәгылара мҩаԥыргеит

© Sputnik / Владимир Астапкович / Амедиаҵәахырҭахь аиасраМосква Sputnik Естониа иадгыланы ақәгылара мҩаԥыргеит
Москва Sputnik Естониа иадгыланы ақәгылара мҩаԥыргеит - Sputnik Аҧсны
Анапаҵаҩра
НовостиTelegram
Кирилл Вышинскии Sputnik естониатәи аҟәша аиҳабы Елена Черышевеи Москва иҟоу Естониа Ацҳаражәҳәарҭа ахыбрахь инеит.

АҞӘА, жәабран 24 - Sputnik. МИА "Россия сегодня" анагӡаратә директор Кирилл Вышинскии Sputnik естониатәи аҟәша аиҳабы Елена Черышевеи Москва иҟоу Естониа Ацҳаражәҳәарҭа ахыбрахь инеит ҿагыларатә акциак аҳасаб ала ҳәа аанацҳауеит РИА Новости.

Акциа мҩаԥгоуп Естониа Ахьыԥшымра амш аламҭалаз. Атәыла анапхгара еиҭаргәаладыршәоит Sputnik ажурналистцәа Естониа ақәыӷәӷәара ду шрымоу.

"Ҳара иахьа арахь ҳааит Естониа Адәныҟатәи аусқәа рминистрреи егьырҭ аофициалтә усҳәарҭақәеи ҳколлегацәа, естониатәи Sputnik ажурналистцәа рызнеишьа еиҭаркырц. Дара зҭагылоу исгәаланаршәоит схатәы хҭыс", - иҳәоит Вышински.

Черышева лажәақәа рыла, иахьатәи амш ныҳәамшуп ҳәа уҳәартә иҟам, иуҳәар еиҳа ииашахоит "ахьыԥшымреи адемократиеи, ажәа ахақәиҭреи рымш еиқәаҵәоуп", - ҳәа.

Черышева Sputnik аҭагылазаашьазы: Естониа ртәылауаа ирықәыӷәӷәоит - Sputnik Аҧсны
Черышева Sputnik аҭагылазаашьазы: Естониа ртәылауаа ирықәыӷәӷәоит

"Ииашам аҳәынҭқарра ахатә тәылауаа абахҭа шәҭаҳкуеит ҳәа ианкыдырцало аамҭазы ахьыԥшымра Амш азгәанаҭозар", - лҳәеит лара.

Уажәазы Sputnik Естониа асаит аус ауеит арежим ҷыда ала. Иара аусзуҩцәа изныкымкәа Естониа аполициеи азинхьчаратә органқәеи рҟынтәи ирықәмақархьан МИА "Россия сегодня" аус ацура шәаҟәымҵыр шәҭаҳкуеит ҳәа.

Урыстәыла ахада Владимир Путин Sputnik Естониа акәша-мыкәша иҟоу аҭагылазаашьа ахҳәаа аҭо иҳәеит урыстәылатәи амчрақәа ирылшо зегь шыҟарҵо Sputnik адгылара аҭаразы.

Иара убас шәаԥхьар ҟалоит:

Ажәабжьқәа зегьы
0