АҞӘА, жәабран 26 – Sputnik. Аминистрцәа реилазаара ишьақәнарӷәӷәеит 2020 шықәсазы аҵара арҿиара апрограмма "Аҵарадырра аҿиара – 2020".
Апрограмма амҩаԥгаразы иазыԥхьагәаҭоуп 15 миллион 590 нызқь мааҭ ҳәа иҳәеит Аминистрцәа реилазаара аппарат анапхгаҩы Давид Сангәлиа.
"Апрограмма иаусдҵаны иҟоуп – аҵара аусхк аусзуҩцәа рыпрофессионалтә ҩаӡара аҳаракра, ҳаамҭазтәи азеиԥшҵара амеханизмқәеи атехнологиақәеи рырҿиара, ашколхәыҷқәа ргәабзиаратә ҭагылазаашьа аҳаракра, ашколқәа рахь арҵаҩцәа радыԥхьалараз аҭагылазаашьақәа раԥҵара", - иҳәеит Сангәлиа.
Иазыԥхьагәаҭоуп амилаҭтә рҵага-методикатә комплексқәа аус рыдуларазы агрантқәа рыҭара, алитературатә конкурс "Акалам аԥышәара" амҩаԥгара, ашколхәыҷқәа рзы аолимпиадақәа рымҩаԥгара.
Апрограмма "Аҵарадырра аҿиара – 2020" аԥаразоужьра азухоит 2020 шықәсазтәи ареспубликатә биуџьет аҟынтәи ҳәа азгәеиҭеит Аминистрцәа реилазаара аппарат анапхгаҩы.
Иара убас шәаԥхьар ҟалоит:
- Какоба адипломқәа разхаҵара азҵааразы: даара ҳзыргәырӷьо усуп
