АҞӘА, жәабран 26 - Sputnik. Аминистрцәа реилазаара ишьақәнарӷәӷәеит аамҭалатәи анхаразы азин ҟазҵо аинвестициақәа рхышәа-ҵышәа.
Аминистрцәа реилазаара ақәҵара апроект инақәыршәаны атәымтәылауаҩ, Аԥсныҟа 10 миллион мааҭ иреиҵамкәа аинвистициа ҟазҵаз ԥшьышықәса рҟынӡа аамҭала Аԥсны анхара азин иоуеит.
Аԥсны аиҳабыра раппарат анапхгаҩы Давид Сангәлиа иазгәеиҭеит ақәҵара апроект ареспубликахь ахатә капитал алагалара ишазырхо.
"Ишдыру аиԥш аинвесторцәа ринвистициақәа ахьыҟало атәылаҿы аҟазаара аинтерес рыманы иҟоуп", - иҳәеит иара.
Сангәлиа иазгәеиҭеит ари аҩыза аус атәылақәа жәпакы рҿы ахархәара шамоу. Аԥыза-министр Валери Бганба иҳәеит ари ауснагӡатә атәылауаҩра иоура ма иааиԥмырҟьаӡакәа анхара азин иоура шакәым иаанаго.
Давид Сангәлиа иҳәеит анорматив-зинтә акт "Аԥсны Аҳәынҭқарраҿ атәымтәылауаа рзинтә ыҟазааразы" азакәан инақәыршәаны аус шадулаз.
Иара убас шәаԥхьар ҟалоит:
- Ахәышәтәырҭақәа, амҩақәа, аӡымҩангагақәа: Аинвестпрограмма ԥхьаҟатәи аобиектқәа
