АҞӘА, хәажәкыра 5 – Sputnik, Бадри Есиава. Аԥсны ахадарахьы акандидат Леонид Ӡаԥшьба Аԥсуа телехәаԥшрала дықәгыло ажәадгала ҟаиҵеит алхрақәа рыҿҳәара аҽа мызкы инахазарц, Аслан Бжьаниа игәамбзиара инадҳәаланы.
Ӡаԥшьба ари аҳәара рызирхеит Аԥсны АКХ, Апарламент адепутатцәа.
Иара иҳәеит ишиашоу ицо аефир ахь дшааиз абри аҳәамҭа ҟаиҵарц. Иара изоушьҭыз аефиртә аамҭа ихы иаимырхәеит, ахәаԥшыҩцәа ҭабуп ҳәа раҳәаны дцеит.
Хәажәкыра 2 рзы Аԥсны ахадарахьы акандидат Аслан Бжьаниа Шәачантәи Аԥсныҟа амҩа дшықәыз игәы бааԥсхан, Шәачатәи ахәышәтәырҭа дҭашәеит. Уи амедикаментозтә кома даларгалеит. Аамҭақәак рышьҭахь асанитартә авиациа авертолиот ала Бжьаниа Краснодартәи ахәышәтәырҭақәа руак ахь диагахеит.
Хәажәкыра 4 рзы Краснодартәи актәи аклиникатә хәышәтәырҭаҟынтәи иааит Бжьаниа идиагноз - ҩ-ганктәи аполисегментартә гәыҵәкра.
Аԥсны ахада иалхрақәа мҩаԥысраны иҟоуп хәажәкыра 22 2020 шықәса рзы.
Иара убас шәаԥхьар ҟалоит:
- Бжьаниа иштаб алхрақәа рыҿҳәара анахара атәы иалацәажәоит
-
Аԥсны АКХ аҟны еиҭарҳәеит ахада иалхра аҿҳәара ахыгара аныҟало атәы
