Микрофон  - Sputnik Аҧсны
Арадио

Габниа еиҭеиҳәеит Баслаҭа ақыҭа абзазашьа атәы

© Sputnik / Томас ТхайцукВладислав Габния
Владислав Габния - Sputnik Аҧсны
Анапаҵаҩра
НовостиTelegram
Аҟәа араион Баслаҭа ақыҭа иахьатәи аԥсҭазаашьа дазааҭгылеит ақыҭа ахада Владислав Габниа арадио Sputnik Аԥсны арубрика "Раионк аԥсҭазаараҟынтә" аҿы.
Раионк аԥсҭазаараҟынтә: Габниа Баслаҭа ақыҭа иазкны

"Баслаҭа қыҭа дууп, Ҷанба имҩадугьы арахь иаҵанакуеит. Аибашьра ҟалаанӡа аԥсуаа 12 ҭӡы нхон. Уааԥсырала иугозар 700-ҩык рҟынӡа аерманцәа ыҟоуп, ақырҭцәагьы 30-ҩык рҟынӡа, иааизакны 2000-ҩык инарзынаԥшуеит. Ҳқыҭаҟны аҵыхәтәантәи ашықәсқәа рзы иҟаҵоу уеигәырӷьаратәы иҟоуп. Аҳәынҵәа ҳалагылан, уажәшьҭа ҳамҩақәа ҟаҵоуп, насгьы ауаа аӡы змамыз, рыҩна аӡы неиуа иҟалеит. Иахьагьы амҩа ианыршәланы аӡымҩангагақәа рыҟаҵара иаҿуп. Аинвестициатә программа инақәыршәаны сынтәа акаҭран мҩа шьҭарҵараны иҟоуп Асланӡиа имҩаду аҟны, насгьы даҽа мҩадук аҟны акаҭран ықәырҵараны иҟоуп. Аибашьра ҟалаанӡа Баслаҭа ақыҭа 55 еиҿкаара ыҟан, ақалақь аҟынтәи ауаа ааны аус руан. Иахьа акгьы ыҟаӡам, ауаа аднагаланы аус руртә. Убасгьы ақыҭаҟны иҟаӡам ашкол", - иҳәеит Габниа.

Шәазыӡырҩла арадио Sputnik Аԥсны аефир.

 

Ажәабжьқәа зегьы
0