АҞӘА, хәажәкыра 10 – Sputnik. Аԥсны ахада инапынҵақәа назыгӡо, аԥыза-министр Валери Бганба Аԥсны Адәныҟатәи аусқәа рминистр Даур Ақаҩба инапы ианиҵеит акоррупциа аҿагыларазы ЕАР Аконвенциа адгыларазы азакәан апроект азырхиазарц. Абри атәы аҳәоит ахада исаит.
"Азакәан "Аԥсны Аҳәынҭқарра жәларбжьаратәи аиқәшаҳаҭрақәа рзы" иазԥхьагәанаҭоит ганкахьала жәларбжьаратәи аиқәшаҳаҭрақәа, аконвенциақәа, урҭ реиԥш зеиԥшу адокументқәа рылалара", - иҳәеит Ақаҩба.
Бганба иазгәеиҭеит акоррупциа иаҿагылоу адокумент адемократиатә институтқәа рыҿиара ишазырхоу, Аконвенциа зҽадызҵаз атәылаҿ азинеиҿкаара ишацхраауа.
Хара имгакәа Аԥсны Адәныҟатәи аусқәа римнистрраҟны аус зыдулахо азакәан апроект Апарламент ахь инаишьҭуеит Аԥсны Аҳәынҭқарра ахада инапынҵақәа назыгӡо.
Иара убас шәаԥхьар ҟалоит:
-
Аԥсны аветеранцәа ЕАР Аконвенциа 20-тәи ахәҭаҷ рыдыркыларазы адҵа ҟарҵоит
-
Коӷониаԥҳа акоррупциа аҿагыларазы азакәан азы: изԥырхагоу ыҟоуп ауп издыргәагәогьы
