Урыстәыла аамҭала ахрыӷ ахкқәа зегь атәыла анҭыҵ рышьҭра ааныркылеит хәажәкыра 20 инаркны. Иҷыдоу аусԥҟа ҟалаанӡа жәамш ҽҳәарас иаҭаны аԥкрақәа алагалоуп ҳәа Россельхознадзор анапаҵаҟа иҟоу аусҳәарҭақәа рахь ашәҟәы налышьҭит уи аусбарҭа анапхгаҩы ихаҭыԥуаҩ Иулиа Швабаускене. Абри атәы аанацҳаит РИА Новости.
"Макьана ԥынгыла ҳәа акгьы ҳамам, аус шаҳуц иаҳуеит. Ҳара аус злаҳуа аҭыԥантәи аалыҵ алоуп, аџьармыкьаҟны иааҳхәо аџьықәреи ҳлагоит. Аџьармыкьа иара ахатәы закәанқәа амоуп, аԥхьаҟа иҟало атәы аҳәара уадаҩуп, аха ахәқәа шыҟац иаанхоит макьана. Ҳара ҳаалыҵ ахә шьҭыҵуеит аԥш ахә ӷәӷәаны ихалар. Ус мааҭк, ҩба-хәба мааҭ иацларгьы аус шаҳуц иаҳуеит. Аҭыԥаны 55 мааҭ ҳәа иаҳҭиуеит",- иҳәеит Кәартаа.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
