АҞӘА, хәажәкыра 30 - Sputnik. Агәыҳалалратә фонд "Кьараз" алаҳәара ҟанаҵеит акарантини аҭагылазаашьа ҷыдеи русураан зматериалтә лшара лаҟәу рзы афатәаалыҵи зыда ԥсыхәа ыҟам атауарқәеи рзеидыркыло ишалагаз азы.
Еидкылоу аалыҵқәа аҭаацәарақәа ирзеихшахоит аиҿкаара иамоу асиақәеи ауааԥсыра рҟынтәи ироуа арзаҳалқәеи инарықәыршәаны.
Афонд иара убасгьы иазԥхьагәанаҭоит ареспублика ауааԥсыра рзы аинформациа-рккаратә усура. Абри аус иадрыԥхьалоит аволонтиорцәа.
Агәыҳалалратә фонд еиҭахгьы аҳәынҭқарратә мчрақәа рахь ааԥхьара ҟанаҵеит социалла зҭагылазаашьа уашәшәыроу атәылауаа ишалшо ала ацхыраара рырҭаларц.
Аԥсны акоронавирус аҽацәыхьчаразы иалагалоу аԥкрақәа ртәы шәахәаԥшырц ҟалоит абра>>
