АҞӘА, хәажәкыра 30 - Sputnik. Мышқәак рыҩнуҵҟа Шәача аԥсшьаҩцәа рхыԥхьаӡара ҩынтә еиҵахеит. Ииасыз амчыбжь азы ара 52 нызқьҩык аԥсшьаҩцәа ыҟазар, уажәы 21 нызқьҩык иреиҳам. Абри атәы аанацҳауеит ақалақь ахадара асаит.
Ари зыхҟьаз акоронавирустә инфекциа аҿагыларазы имҩаԥырго ауснагӡатәқәа роуп.
"Ҭабуп ҳәа раҳҳәоит абжьагарақәа ирзыӡырҩыз, ианаамҭаз зыпланқәа зыԥсахыз", - ҳәа лҳәеит акурортқәеи атуризми рзы ақалақьтә департамент адиректор Светлана Батиаикина.
Иахьазы Шәача иаанкылоуп иарбанзаалак амассатә уснагӡатәқәа, иаркуп апаркқәа, акинотеатрқәа, ахәаахәҭырҭатә центрқәа, акурортқәа.
Урыстәыла аиҳабыра абжьагара ҟарҵеит атәылауаа атуризм ахықәкала рныҟәарақәа ааныркыларц.
Акоронавирус иазку ажәабжьқәа зегьы шәрыԥхьар шәылшоит абра>>
Иара убас шәаԥхьар ҟалоит:
-
Урыстәыла акарантин иқәымныҟәо ауаа ахараԥса ддыршәалоит
