Акризис уацәшәартә иҟам: акарантин ЕгрыГЕС иамоу амчхареидара иацнаҵом

© Sputnik / Томас ТхайцукИнгурская ГЭС
Ингурская ГЭС - Sputnik Аҧсны
Анапаҵаҩра
Убыржәтәи аамҭазы Џьваратәи аӡеизакырҭаҿы аӡы аҩаӡара 424 метра инархыҳәҳәоит, аӡы есааира ацлара иаҿуп.

АҞӘА, мшаԥымза 1 – Sputnik. Аԥсны иалагалоу акарантин ЕгрыГЕС аусура ианыԥшуам ҳәа Sputnik акорреспондент ииҭаз аинтервиу аҿы иазгәеиҭеит ЕгрыГЕС анапхгара рхантәаҩы Леван Мебониа.

"Егры аӡиас иацлеит, аԥхара ҟалацыԥхьаӡа иҵегь иацлалоит, хәба-фба метра инарзынаԥшуа аӡы резервны иҳамоуп, убри аҟнытә акризис уацәшәо иҟам. Мшаԥымза актәи азбжара шыҟало ҳбап. Ауаа реиҳараҩык рыҩныҟақәа иоуҳашьҭит, астанциаҿы иаҭаху мацара роуп иаанхаз", – иҳәеит Мебониа.

Убыржәтәи аамҭазы Џьваратәи аӡеизакырҭаҿы аӡы аҩаӡара 424 бжаки метр ыҟоуп.

Автомобили МЧС и МВД у здания администрации Сухума, 20 сентября 2019 - Sputnik Аҧсны
Аҩнуҵҟатәи аусқәа рминистр Аԥсны акоменданттә сааҭ алагалазарц ахәҭаны ибоит

"Аӡы есааира ацлара иаҿуп, убри аҟнытә уадаҩра ҳауам ҳәа сгәы иаанагоит. Иацы, иацжәацы аӡы ацлара секундк ала 105-110 кубометр инаӡон, уажәы маҷк ихьҭахеит аҟынтә 70 кубометр рҟынӡа иҟоуп", – азгәеиҭеит иара.

Иахьазы атәылаҿы уахыки-ҽнаки рыла быжь-миллион киловатт сааҭ нырхуеит, аҭагылазаашьа ҷыда алагалахаанӡа афымцамч ахархәара хәба-фба миллион киловатт сааҭ аҟынӡа иҟан.

"Афымцамч ахархәара хәыҷык ахьацлаз зыдҳәалоу маҷк иахьыхьҭахаз ауп. Ауаа акарантин рылаҳәоуп аҟынтә аҩны итәоуп, релектроприборқәа аҿаркуеит, аха иара убри аамҭазы аус руам акафеқәа, ахәаахәҭратә центрқәа аус руам, убри азыҳәан афымцамч ахархәара аҩаӡара ахьыҟац иҟоуп", – иҳәеит Леван Мебониа.

Аԥсны мшаԥымза 20 рҟынӡа аҭагылазаашьа ҷыда рылаҳәоуп акоронавирус ҿкы аламырҵәара хықәкыс иҟаҵаны. Атәыла ауааԥсыра рыҩны иҟазарц рабжьгоуп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

 

Ажәабжьқәа зегьы
0