Москвантәи иааз хҩык галаа акарантин ахьырхыргаша аҭыԥ ахь ишьҭуп

© Sputnik / Томас ТхайцукВрач с термометром
Врач с термометром - Sputnik Аҧсны
Анапаҵаҩра
НовостиTelegram
Москвантәи иааз хҩык Гал ауааԥсыра амедикцәа аушьҭырҭатә ҭыԥ "Ԥсоу" аҿы игәарҭеит, урҭ акоронавирус асимптомқәа рыдбалам.

АҞӘА, мшаԥымза 1 - Sputnik, Сариа Кәарцхьиаԥҳа. Аушьҭырҭатә ҭыԥ "Ԥсоу" аҟны агәаҭара ианахыс ашьҭахь, Москвантәи иааз хҩык галаа акарантин ахьырхыргаша аҭыԥ ахь ишьҭуп, абри атәы Sputnik иазеиҭеиҳәеит араион ахада ихаҭыԥуаҩ Генрих Ҭыжәба.

Работы в лаборатории  - Sputnik Аҧсны
Бганба адҵа ҟаиҵеит аҳәаанырцәынтә иаауа акарантин ахьырхыргаша аҭыԥқәа рхиазарц

Дара еиҭарҳәеит Москва 14-мшы акарантин аҿы иштәаз. Дара амедикцәа аушьҭырҭатә ҭыԥ "Ԥсоу" аҿы игәарҭеит, урҭ акоронавирус асимптомқәа рыдбалам.

"Аҳәаа аҟынтәи ацхыраара ласы ала Галҟа инаган. Гал ақалақь Акультура аҩнаҿы акарантинтә ҭыԥ аартуп, уаҟа ауаҩԥсы инхаразы ихәарҭахартә еиԥш зегь рыла еиҿкаауп", - иҳәеит Ҭыжәба.

Уаанӡа Аԥсуа телехәаԥшра аефир аҿы акоронавирустә инфекциа аламырҵәаразы Акоординациатә штаб алахәыла, адепутат Алхас Џьынџьал иҳәеит ачымазаҩ адиагноз "акоронавирус" шылзықәдыргылаз, Жәыргьыҭтәи ахәышәтәырҭаҿы дшышьҭоу.

Хәажәкыра 30 рзы Гал араион ахь ицо амҩақәа зегь ркит азинхьчаратә усбарҭақәа.

Ирышьҭуа амаҵзурауаа, аҳәаахьчаҩцәа, Акоординациатә штаб алахәылацәа роуп, иара убасгьы атехника ҷыда: Ацхыраара ласқәеи Аԥсны АҶА амашьынақәеи.

Ақалақь иалалои иалҵуеи ршоура ршәоит. Аҳәынҭавтоинспекциа агыларҭа ҭыԥ "Канал" аҿы амедицинатә усзуҩцәа гылоуп.

Хәажәкыра 31 рзы ахада инапынҵақәа назыгӡо Валери Бганба Гал араион зегь аҿы ирӷәӷәоу акомендантә сааҭ алеигалеит (20.00 – 07.00).

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0