АҞӘА, мшаԥы 3 - Sputnik. Урыстәыла ашәҟәы иҭаргалеит акоронавирус COVID-19 аарԥшразы атест-система ҿыц. Иара ҭнажьлоит аилахәыра "ДНК-Технология" ҳәа аанацҳауеит РИА Новости.
"Асистема Адунеизегьтәи агәабзиарахьчаратә еиҿкаареи Урыстәылатәи Афедерациа Агәабзиарахьчара аминистрреи рҭахрақәа ирықәшәоит COVID-19 адиагностика амҩаԥгараз. Иара иалшоит авирус 10 хкыкны аарԥшра", - ҳәа аҳәоит аилахәыра адырраҭараҿы.
Мшаԥы 3 инаркны есыҽны 200-400 цыра ҭрыжьлоит. Аамҭақәак рышьҭахь уахыки-ҽнаки рыла 1000 рҟынӡа рҭыжьра алшоит.
Уажәазы Урыстәыла 76 регион рҿы ачымазара рымоуп 3548-ҩык, иԥсхьеит 30–ҩык.
Уаанӡа арадио Sputnik аҳәамҭа ҟанаҵеит иааиуа амчыбжь азы аимпорттә тест-системақәа аархәараны иҟоуп ҳәа.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>
