"Акурсқәа имҩаԥаагоз уажәшьҭа 15 мшы иреиҳауп иаркуижьҭеи, аха сара онлаин ала урҭ мҩаԥызгоит, шьыжьла ирзысышьҭуеит аԥсуа шәақәа, ргәы шьҭысхыр сҭахуп. Уажәы идсырҵо аасҭа ргәы рхаршҭра сашьҭоуп, даргьы ргәы иаахәоит аԥсышәала ианраҳауа ашәақәа, Аԥснынтәи ажәабжьқәа ауаҩы игәы шьҭызхуа расҳәоит, ҳаицәажәоит. Аиаша шәасҳәап, аҩны саныҩнаха, иаҳагьы аус рацәа соуит, сеилахоуп, иара сара сеиԥш егьырҭгьы. Иҟоуп, ҳәарада, уаҳа ҳалшом, ҳҭакуп аҩны зҳәо, аха еибаҳҳәалоит: "Анцәа агәабзиара ҳаҭ, уи ҳазхәыцуа ҳаҟам уажәы". Зегь раԥхьа иҟоу агәабзиароуп, ҳаԥсы ҭазааит, уҩны еиӷьу арбану, ухәыҷы, уҭаацәа уааигәа иҟазар, ухы уахашшаартә иҟам ҳәа сгәы иаанагоит", - лҳәеит Санӡааԥҳа.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>
