АҞӘА, мшаԥы 3 - Sputnik. Урыстәыла уахыки-ҽнаки рыла акоронавирустә инфекциа змоу 601-ҩык аарԥшын. Иааидкыланы ари ачымазара рымоуп 4149-ҩык ҳәа аанацҳауеит аресурс стопкоронавирус.рф.
Иахьазы ачымазара ҿкы ахы аанарԥшит 78 регион рҿы. Аиҳарак аҳҭнықалақь аҿы ирацәаҩны ирыдбалоуп – 2923.
Иахьазы ачымазара астатистика егьырҭ арегионқәа рҟны абасеиԥш иҟоуп:
- Краснодартәи атәылаҿацә - 39
- Даӷьсҭан - 25
- Чечентәи Ареспублика - 12
- Ставропольтәи атәылаҿацә - 11
- Ростовтәи аобласт - 9
- Ҟабарда-Балкариа - 8
- Адыгеиа - 5
Иацы Урыстәыла ахада Владимир Путин акоронавирустә ҭагылазаашьа инадҳәаланы ауааԥсыра рахь аҳәамҭа ҟаиҵеит мшаԥымза нҵәаанӡа ауалафахәы ааныжьны аусурамшқәа шаԥыххо.
Иара убас шәаԥхьар ҟалоит:
- Иԥсшьарамшхаз аусурамшқәа: Путин атәылауаа рахь аҳәамҭа ҟаиҵеит
