Аԥсны атәылауаа ирылаҳәоуп зда ԥсыхәа ыҟам ак акәымзар, аҩны идәыламҵларц. Атәылаҟны иаркуп аџьармыкьақәа, акаҳуажәырҭақәа, ақьафурҭақәа зегьы. Ауаажәларратә транспорт ныҟәаӡом. Асасааирҭақәеи аԥсшьарҭаҩнқәеи аԥсшьаҩцәа рыдаркылаӡом.
Гал араион акоменданттә сааҭ алагалоуп, Аберқыҭ инхо Нино Хецуриани Жәыргьыҭтәи ахәышәтәырҭа данҭашәа ашьҭахь, лара илыдбалоуп акоронавирус. Ари аԥхәыс лыкәша-мыкәша иҟаз ауаа зегьы акарантин ахь ишьҭуп, дара аӡәгьы ачымазара ҿкы рыдбалам.
Аҩнуҵҟатәи аусқәа рминистрра русзуҩцәа агәаҭаратә пунктқәа рҟны аҳақьымцәа гылоуп, ииасуа зегьы ршуора ршәоит.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>
1/11
© Sputnik / Томас Тхайцук
Хәажәкыра 28 аахыс Аԥсны иалагалоуп аҭагылазаашьа ҷыда.
2/11
© Sputnik / Томас Тхайцук
Атәылаҿы ирылаҳәоуп акарантин, ауааԥсыра аҩны идәылымҵырц рабжьагоуп.
3/11
© Sputnik / Томас Тхайцук
Амҩадуқәа ҭацәуп.
4/11
© Sputnik / Томас Тхайцук
Мшаԥымза 1 инаркны аҳәынҭавтоинспекциа агәаҭаратә пункт "Маҷара" аҟны амашьынаныҟәцаҩцәа ргәаҭара иалагеит.
5/11
© Sputnik / Томас Тхайцук
Аҳақьымцәа амашьына ныҟәцаҩцәеи апассаџьырцәеи ршоура ршәоит.
6/11
© Sputnik / Томас Тхайцук
Гал араион акоменданттә сааҭ аларгалеит, Аберқыҭ инхо Нино Хецуриани Жәыргьыҭтәи ахәышәтәырҭа данҭашәа ашьҭахь. Аҳакьымцәа ражәақәа рыла, лара илыдбалоуп ачымазара ҿкы - акоронавирус.
7/11
© Sputnik / Акоп Кущян
Аԥсны аҩнуҵҟатәи аусқәа рминистрра аусзуҩцәа Гал араион амҩақәа адыркит.
8/11
© Sputnik / Томас Тхайцук
Гәылрыԥшь амҩақәа ҭацәуп, ауаа аҩны идәылҵӡом.
9/11
© Sputnik / Томас Тхайцук
Аԥсны агәабзиарахьчара аминистрра иаҳәоит, иахьазы Аԥсны акоронавирус зыдбалоу ҳәа уаҩ дшыҟам.
10/11
© Sputnik / Томас Тхайцук
Ареспубликатә хәышәтәырҭаҟны аҳақьымцәа рзы имҩаԥган акоронавирус аҽацәыхьчаразы иҷыдоу атренингқәа.
11/11
© Sputnik / Томас Тхайцук
Аҳақьымцәа идырбан асабрадақәеи иҷыдоу ашәҵатәи ииашаны рхы ишадырхәаша.
