"Уахь узыцәшәо ҳәа акгьы ыҟаӡам. Ҭынчроуп. Уадаҩрас иҟоу афатә агара-аагароуп, изланарго рымам, амҩақәа бааԥсуп, атранспорт ныҟәаӡом. Адәқьан хәыҷык аус ауан, аԥшәма машьынала даауан чак, џьыкак зҳәаз иеиԥш иаахәан иааигон, анхацәагьы ирҭахыз иарҳәон, аха акарантин ҟалеижьҭеи иныҟәара аанаҳкылеит, макьана дыԥшны дтәоуп азин анбаҟало ҳәа. Амҩа зынӡа иаркӡам, абнатә нхамҩа амашьынақәа абна ҭыргоит, ицоит-иаауеит. Анхацәа урҭ амашьынарныҟәцаҩцәа ирацәажәоит, ирҭаху рзааргоит, абасала еицхыраауеит. Егьыс изыцәшәо ҳәа акгьы рымам. Рбаҳчақәа рҿы аус руеит. Атрактор маҷқәа рымоуп, ацәаӷәара аамҭа анааилакгьы, нап адыркыртә еиԥш алшара рымоуп", – ҳәа еиҭеиҳәеит Џьонуа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Акоронавирус алаҵәаразы иҟоу аҵыхәтәантәи ажәабжьқәа шәрыԥхьар ҟалоит абра>>
