"Аинтернет ала аҵаратә система ашьақәыргылара ҳаналагоз ауадаҩрақәа цәырҵит, избанзар ирацәоуп атәылақәа алицензиа аахәаны ус еиԥш зыҟны иалазгало, шықәсык аҟынӡа шәыԥшы ҳәа ҳазҳәазгьы ҟалеит уи аҩыза аплатформақәа змоу. Убри аҟынтәи ари аус еилызкаауа Аԥсны иҟоуи егьырҭ атәылақәа рҟынтәи аспециалистцәеи ҳрацәажәеит, иҳаӡбеит Аԥсны иадҳәалоу асистема шьақәҳаргыларц", - иҳәеит Аншба.
Иара иазгәеиҭеит ус еиԥш арҵаратә система Аԥсны шьаҿа-шьаҿала ишалагалахо, иара аларҵәаразы шаҟа аамҭа аго аҳәара шыуадаҩу.
"Мшаԥы анҵәамҭазы хәҭак шьақәыргыланы ишыҟало ҳбап, анаҩс егьырҭ ахәҭақәа ацаҳҵалап. Иаҳҭахын иаразнак иҟаҳҵарц, аха уи иуадаҩу усуп. Егьа ус акәзаргьы, ахәыҷқәа алшара раҳҭароуп аҵаратә система иадҳәалахарц. Иҟаҳҵароуп, азныказы ишаҭаху иҟамларгьы шьаҿа-шьаҿала ишьақәҳаргылоит", - иҳәеит Аншба.
Мшаԥы 10 рзы Аԥсны аҳәынҭқарра ахада инапынҵақәа назыгӡо Валери Бганба аҵаратә усҳәарҭақәа рҟны аԥсшьарамшқәа рыҿҳәара иациҵеит ачымазара ҿкы иаҿагыланы ақәԥаразы ауснагӡатәқәа рҳәаа иҭагӡаны. Аԥсны аҭагылазаашьа ҷыда алагалоуп хәажәкыра 28 инаркны мшаԥы 20-нӡа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
-
Ламиаԥҳа: ачымазара иахҟьаны иаԥҵоу аԥкрақәа рышьҭахь аҵара мызкы иацҵазар бзиан
-
Аншба ашколхәыҷқәа онлаин-аҵара рзеиҿкааразы: ихадароу - алшара зегьы еицырзеиԥшзароуп
