Микрофон  - Sputnik Аҧсны
Арадио

Аҭоурыхҭҵааҩ: Берлин агара рнапы ианын иреиӷьыз асоветтә архәҭақәа

© Sputnik / Томас ТхайцукВалико Пачулия
Валико Пачулия - Sputnik Аҧсны
Анапаҵаҩра
Мшаԥымза 16, 1945 шықәса рзы ихацыркын Берлин агаразы ажәылара. 14 мшы рыҩнуҵҟа Ар Ҟаԥшь иалшеит ақалақь анапахьы аагара. Ари ахҭыс шыҟалаз атәы арадио Sputnik Аԥсны аефир аҿы еиҭеиҳәеит Аџьынџьтәылатә еибашьра Ду аҭоурых ҭызҵаауа Валикәа Ԥачлиа.
Афырхацәа рымҩала: аҭоурыхҭҵааҩ Берлин агаразы ажәылара иазкны

"1945 шықәса рзы, ааԥын асоветтә архәҭақәа Берлин иазааигәахеит. Ақалақь Гитлер убас еиԥш ирӷәӷәеит, иазыҟаиҵеит, уаҩ изымго абаа иеиԥшны, иакәыршаны иртәеит ирхәҭақәа. Берлин агара даара ицәгьаз ус дуун. Мшаԥымза 16 рзы ажәылара идықәлеит. Асоветтә архәҭақәа даара иазыҟаҵан. Актәи Абелоруссиатә фронт анапхгаҩы Жукови, актәи Аукраинтә фронт анапхгаҩы Коневи, анаҩс Рокоссовски напхгара зиҭоз архәҭақәеи еилаланы идықәҵан аоперациа анагӡаразы. Еиҳа еиӷьыз асоветтә архәҭақәа рнапы ианын астратегиатә ҟазшьа змаз ажәылара дууӡа. Ари ахҭыс адунеи зегьы ахәаԥшуан. Реихстаг агара асимволтә ҵакы аман. Анемеццәа уи ааигәара узымнеиуа аӡы аурышьҭит, аха иага ҟарҵандаз - иамуит. Асоветтә архәҭақәа кылсит Реихстаг ацентр ахь. Ари ахҭыс далахәын аԥсуа еибашьҩы Мелитон Канҭариа", - ҳәа еиҭеиҳәеит Ԥачлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0