Уахыки-ҽнаки рыла Урыстәыла 3448-ҩык авирус рыдырбалеит

© Sputnik / Алексей Даничев / Амедиаҵәахырҭахь аиасраОтделение для людей с подозрением на коронавирус в Боткинской больнице
Отделение для людей с подозрением на коронавирус в Боткинской больнице - Sputnik Аҧсны
Анапаҵаҩра
НовостиTelegram
Иахьатәи аамҭазы Урыстәыла иахьаҵанакуа рыԥсҭазаара иалҵхьеит 200-ҩык акоронавирустә ҿкы зкыз ауааԥсыра. Авирус азгәаҭоуп 78 регион рҟны.

АҞӘА, мшаԥы 16 - Sputnik. Урыстәыла аҵыхәтәантәи уахыки-ҽнаки рыла 3448 коронавирус хҭыс ашәҟәы иҭагалоуп. Урҭ рҟынтәи 34 ԥсыҭбара ҟалеит. Абри атәы аанацҳауеит стопкоронавирус.рф. асаит. Абас ала, уахыки-ҽнаки ирылагӡаны маҷӡак акәзаргьы илаҟәит ачымазара зауз рхыԥхьаӡара.

Иара убри аан абри аамҭала 318-ҩык ргәабзиара шьақәгылеит.

Зынӡаск акоронавирус рыдбалоуп 27 938-ҩык, рыԥсҭазаара иалҵхьеит 200-ҩык, ргәабзиара шьақәгылеит 1986–ҩык.

Реиҳараҩык қәрала 45 шықәса иреиҵоуп.

Москва мшаԥы 13 инаркны аушьҭратә система алагалоуп.

Мшаԥымза нҵәаанӡа акарантин аус ауеит. Ауааԥсыра ирыҳәоит хырԥашьа змам уск анрымоу ада рыҩнқәа ирдәылымҵларц.

Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>

Ажәабжьқәа зегьы
0