АҞӘА, мшаԥы 17 – Sputnik. Урыстәыла ахада Владимир Путин анапынҵа ҟаиҵеит Москва имҩаԥысраны иҟаз Аиааира апарад аҽазыҟаҵара аграфик еиҭакзарц акоронавирус инадҳәаланы. Абри атәы иара иҳәеит Ашәарҭадаратә хеилак алахәылацәеи иареи реилацәажәараан ҳәа аанацҳауеит РИА Новости.
Ахада иазгәеиҭеит иҟоу аҭагылазаашьа аныҳәа амҩаԥгаразы аҽазыҟаҵара шалнамыршо.
Уаанӡа Владимир Путин ипресс-маӡаныҟәгаҩ Дмитри Песков аҳәамҭа ҟаиҵахьан Аџьынџьтәылатә еибашьра ду аҟны Аиааира 75-шықәса ахыҵра иазку аныҳәатә уснагӡатәқәа лаҵара 9 рзы акәымкәа инахахоит ҳәа.
Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>
