Микрофон  - Sputnik Аҧсны
Арадио

Амқәаб акаҳуа ахә иазкны: рацәак иацҳамҵаӡеит

© Sputnik / Томас ТхайцукРасим Миквабия
Расим Миквабия  - Sputnik Аҧсны
Анапаҵаҩра
НовостиTelegram
Аԥсны илаганы, аҭра иҭаԥсаны акаҳуа зҭиуа ацех Coffee Rossi аиҳабацәа руаӡәк Расим Амқәаб еиҭеиҳәеит акаҳуа аганахьала аҭагылазаашьа зеиԥшроу, уи ахә ашьҭыҵра зыхҟьаз.
Амқәаб акаҳуа ахә иазкны: рацәак иацҳамҵаӡеит

Апандемиа иахҟьаны Лада Америка ишьақәгылаз аҭагылазаашьа адунеиаҟны акаҳуа азымхарахь икылнагар алшоит ҳәа адыррақәа ыҟоуп. Еиҳарак азҵаара ҵарны иқәгылоуп Бразилиа, Колумбиа, Перу. Арҭ атәылақәа рҟны ауп акаҳуа аиҳарак ахьаадрыхуа. Аҽаҩра аингалара иалагароуп иааиуа амзазы.

"Ачымазара ҿкы COVID-19 иахҟьаны аусурҭа маҷхеит. Акаҳуа еиҳарак иахьаадрыхуа Бразилиа, Перу, Колумбиа атәылақәа рҟны ачымазара иахҟьаны ауаа аҩны итәоуп. Ишдыру еиԥш, аҳәаақәа аркуп уажәы, акаҳуа ирцәаанхаз ауп ирҭиуа. Ҳара ҳахьӡеит аагара, мамзар каҳуада ҳаанхон. Аус бзианы ицоит, ҳажәлар иаархәоит акаҳуа. Ҳара ҳҟны ачымазара иахҟьаны аԥкрақәа аларгалеижьҭеи ауаа аҩны иахьтәоу имаҷымкәа акаҳуа ржәоит, ианрымам ихагахоит (длафуеит). Ахә ҳара хҟны хә-процентк ихаҳгалеит, иахьынтәиааго акәзар 15-20 процент рҟынӡа ишьҭырхит. Мызкы ашьҭахь акаҳуа аҽаҩра ҿыц аизгара иалагоит. Уажәы иҳамоу акаҳуа ҳазхар, акарантин ашьҭахь еиҭа ахә леиуеит ҳәа агәаанагара сымоуп", - иҳәеит Амқәаб.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

 

Ажәабжьқәа зегьы
0