АҞӘА, мшаԥы 21 - Sputnik, Асмаҭ Ҵәыџьԥҳа. Аԥсны атәылауаа апарк "Прайд" иазнаргеит алымқәа аҽа мызкгьы ирызхаша афатә ҳәа Sputnik иазеиҭеиҳәеит апарк ашьаҭаркыҩцәа ируаӡәку Олег Кононов.
"Ауаа рхатәы ԥстәқәа ҳаҭарагьы иақәшаҳаҭуап. Афатә нҵәар аҭел шәаҳзас ҳәа ҳарҳәоит. Даара игәахәароуп ауаа асеиԥш адгылара ахьҳарҭаз. Усеиԥш ҳақәгәыӷуамызт. Алымқәа рыкрыфара иагымхеит. Аветеринарцәа ахылаԥшра рырҭоит", - ҳәа иҳәеит иара.
Кононов иажәақәа рыла, аҭагылазаашьа адгылара аиҭоит аԥсуа бизнесуаҩгьы.
Аԥстәқәа рзы апарк "Прайд" аргылара иалагеит Аацы ақыҭан ԥшьышықәса раԥхьа. Уажәы уа алымқәа ааба нхоит. Алымк мышкы ф-кьылак акәц аҭахуп.
Парк львов «Прайд» в селе Аацы
© Foto / предоставлено Олегом Кононовым
Апарк аԥшәмацәа апроблемақәа рызцәырҵит хәажәкырамзазы. Акоронавирус алаҵәара иахҟьаны Олег Кононов урыстәылатәи ибизнес аԥырхага анаиу ашьҭахь. Аԥстәқәа акрырҿаҵаразы аԥара азымхара ауааԥсыра рахь аҳәара инаруит.
Акоронавирус иазку аҵыхәтәантәи ажәабжьқәа шәрыԥхьар шәылшоит абра>>
