АҞӘА, мшаԥы 23 – Sputnik. Аԥсны ахада Аслан Бжьаниа иҭоубашьҭаҵара ашьҭахь атәыла аԥыза-министр Валери Бганба дидикылеит ҳәа аанацҳауеит ахада исаит.
Аиԥылараан ирылацәажәан анагӡаратә мчра аусура, ареспубликаҿы асанитар-епидемиологиатә ҭагылазаашьа, акоронавирус атәылаҿ аларҵәара алмыршара уҳәа азҵаарақәа.
"Аицәажәара хыркәшо, атәыла ахада аиҳабыра рхада ҭабуп ҳәа иеиҳәеит Аминистрцәа реилазаара аусура аиҿкааразы, алхрақәа рымҩаԥгаразы инанагӡаз аусуразы", - аҳәоит адырраҭараҿы.
Аԥыза-министр Валери Бганба Рауль Ҳаџьымба ԥхьатәара дышцоз азы арзаҳал аниҩы инаркны иахьанӡа Аԥсны ахада инапынҵақәа наигӡон.
Аԥсны Аҳәынҭқарра ахадас иалху Аслан Бжьаниа иҭоубашьҭаҵара ацеремониа мҩаԥысит ахада Иусбарҭа аконференц-зал аҿы. Аслан Бжьаниа инапынҵақәа рынагӡара далагеит аҭоуба анышьҭеиҵа ашьҭахь.
Иара убас шәаԥхьар ҟалоит:
- Ажәлар аиҳабыра рыгәра рго аҟаҵара: Аслан Бжьаниа аҭоубашьҭаҵараан дықәгылеит
- Хымз аиҭакрақәа рзы: аҭоубашьҭаҵара ашьҭахьтәи ашьаҿақәа
