АҞӘА, мшаԥы 24– Sputnik. Адунеизегьтәи агәабзиарахьчаразы аиҿкаара акоронавирус ахҽразы урыстәылатәи аҵарауаа аус здыруло алаҵақәа жә-хкык аԥеиԥш рымоуп ҳәа иашьеит. Абри атәы аанацҳауеит стопкоронавирус.рф.асаит.
Урҭ рҟынтәи ф-лаҵак авирусологиеи абиотехнологиеи рзы аҳәынҭқарратә центр "Вектор" аҿы иаԥҵоуп.
Мшаԥы алагамҭазы
"Вектор" аҵарауаа ирҳәеит авирус хызҽуа алаҵа амаамынқәа рыла аԥышәара ишалагаз. Уаанӡа алаҵа ԥыршәон аҳәынаԥқәеи аԥшӡақәеи рыла. Аҭҵаарақәа мшаԥы нҵәаанӡа имҩаԥыргалоит. Иҟало алҵшәақәа ирҿырԥшны, ауаа рыла аԥышәарахь ииасраны иҟоуп анаҩсан.
Адунеизегьтәи агәабзиарахьчаразы аиҿкаара адыррақәа рыла иахьазы адунеи аҿы 2,47 миллионҩык акоронавирус рымоуп, 169 нызқьҩык рыԥсҭазаара иалҵхьеит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
