Аԥсны даҽа ҩыџьа акоронавирус шрыхьыз шьақәырӷәӷәахеит

© Sputnik / Евгений Епанчинцев / Амедиаҵәахырҭахь аиасраАԥсны даҽа ҩыџьа акоронавирус шрыхьыз шьақәырӷәӷәахеит
Аԥсны даҽа ҩыџьа акоронавирус шрыхьыз шьақәырӷәӷәахеит - Sputnik Аҧсны
Анапаҵаҩра
НовостиTelegram
Лаҵара 9 рызтәи аҭагылазаашьала Аԥсны иахьаҵанакуа зынӡа фҩык акоронавирустә инфекциа рыхьны иҟоуп.

АҞӘА, лаҵара 9 - Sputnik. Аԥсны иахьаҵанакуа даҽа ҩ-коронавирус хҭыск аарԥшуп рҳәеит Ауааԥсыра акоронавирус рацәыхьчаразы аоперативтә штаб аҟны.

"Ииасыз уахыки-ҽнаки рзы игәаҭан 19-ҩык ауааԥсыра, урҭ рахьтә ҩыџьа акоронавирус шрылоу шьақәырӷәӷәоуп", - ҳәа аарыцҳауеит адырраҭараҟны.

Ичмазаҩхаз рыфҩыкгьы Урыстәыла аҵара зҵоз, Аԥсныҟа ихынҳәыз астудентцәа роуп. Дара зегьы асасааирҭа "Аиҭар" аҟны акарантин рхыргон. Рҭагылазаашьа хар амам ҳәа ахырҳәаауеит аҳақьымцәа.

Иацы иаарԥшыз ачымазаҩцәа ԥшьҩык Гәдоуҭатәи ахәышәтәырҭаҟны ишьҭоуп, ироуеит иақәнагоу амедициантә хәышәтәра. Ҿыц иаарԥшыз ҩыџьа иахьа уи ахәышәтәырҭахь ииаргоит.

Акоронавирус алаҵәара иадҳәалоу ажәабжьқәа зегьы шәрыԥхьар ҟалоит абра>>

Ажәабжьқәа зегьы
0