"Зегь реиҳа ихадоу - аӡҳәаарбага ыҟазароуп. Есышықәса уадаҩрас иҳамоу зышәагаа маҷу аӷбақәа аӡсаҩ ирҭо ашәарҭароуп. Абас еиԥш ахҭысқәа ҟамларцаз, аҟәара ахылаԥшра знапы иану адырра раҳҭоит ишахәҭоу еиҿыркаарцаз. Ус еиԥш ақалақь ахадацәагьы ргәырҽанаҳҵоит. Аӡҳәаарбагақәа есышықәса ихҵалатәуп, аӡын амшын анцәқәырԥо иагоит, мамзаргьы ибжьнахуеит. Иара убасгьы аҽыкәарабарҭатә ҭыԥқәа рҿы дыҟазароуп аԥсеиқәырхаҩгьы. Ҳара хәыда-ԥсада ҳазыхиоуп иӡааҟәрыло ауаҩы иеиқәырхашьа изҭаху ирҵара. Ҩымчыбжь иалагӡаны иара аԥҟарақәа шьҭикаар илшоит, аҵыхәтәаны аԥсеиқәырхаҩ ҳәа ашәҟәгьы иаҳҭоит", - ҳәа еиҭеиҳәеит Сабуа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Официалла иалагаанӡагьы: Аԥсны АҶА аиҳабы атурсезон рҽазыҟарҵарц адҵа ҟаиҵеит
-
Сабуа аӡаҿы ашәарҭадара аԥҟарақәа реилагаразы: ахараԥса иацәшәо рацәаҩхоит
