АҞӘА, лаҵара 20 - Sputnik. Аԥсны иахьаҵанакуа даҽаӡәы акоронавирус шихьыз шьақәдырӷәӷәеит, абри атәы аанацҳауеит Ауааԥсыра акоронавирус рацәыхьчаразы аоперативтә штаб.
"Иҳаҩсыз уахыки-ҽнаки рыла акоронавирустә инфекциазы агәаҭарақәа ирхысит 90-ҩык ауааԥсыра. Урҭ рахьтә аӡәы - урыстәылатәи арратә ҵараиурҭа акурсант - COVID - 19 адиагноз шимоу шьақәырӷәӷәоуп. Иара Гәдоуҭатәи ахәышәтәырҭа дҭарҵеит", - ҳәа аанацҳауеит адырраҭара.
Иахьатәи аамҭазы Аԥсны иахьаҵанакуа 25-ҩык COVID-19 рыхьхьеит.
Мшаԥымзазы Аԥсны акоронавирус рыдбалан хҩык Гагра ақалақьуаа. Ҩыџьа ргәы бзиахеит, 1925 шықәсазы ииз ахԥатәи ачымазаҩ лыԥсҭазаара далҵит. Егьырҭ ахҭысқәа зегьы лаҵарамзазы иҟалеит. Ичмазаҩхаз реиҳараҩык Урыстәылантәи ихынҳәыз аԥсуа студентцәа роуп. Агәабзиарахьчара аминистрра лаҵара 16 рызтәи адыррақәа рыла Гәдоуҭатәи ахәышәтәырҭаҟынтәи акурсантцәа руаӡәк дҭырҩааит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
