АҞӘА, рашәара 8 – Sputnik, Бадри Есиава. Аррахь инарыԥхьараны иҟоу рҟынтәи 15% рҟынӡа аррахь инагоуп рашәара 8 рзы ҳәа Sputnik иазеиҭеиҳәеит арртә комиссар Беслан Ҭарба.
"Иахьазы 15% аррахь инаԥхьоуп. Дара Атәылахьчара аминистрраҿы аррамаҵзура иахысу роуп. Арранаԥхьара хыркәшахоит ԥхынгәы анҵәамҭазы. Абранӡа Ҟрым игылаз урыстәылатәи ахимиатә арҟәшеи ҳареи ҳаилаланы арзҩыдарақәа мҩаԥаагеит аидкыларҭатә пункт аҿы", - иҳәеит иара.
Иара иазгәеиҭеит иахәҭаны иҟаз ахыхьчагақәа: амедицинатә сабардақәа, анапҭарԥақәа шрыҭаз, апункт аҩналарҭаҿы амедусзуҩцәа инеиз ршоура шыршәоз.
Ҭарба иҳәеит аррахь инаԥхьаз руаӡәк ишоура шыҳаракыз, нас ишеилкаахаз уи амраҿы иҟазаара ишахҟьаз. Аха амедусзуҩцәа усгьы уи ҩымчыбжь аҩныҟа ддәықәырҵеит.
Аԥсны ахада инапынҵақәа назыгӡоз Валери Бганба аусдҵа инапы аҵаиҩит арратә маҵзурахьы анаԥхьара аҿҳәареи арра иахысуа роушьҭреи 2020 шықәса мшаԥымза 1 аҟынтәи лаҵарамза 1 ахь ииагазарц.
Аамҭақәак рышьҭахь Аԥсны ахада Аслан Бжьаниа адҵа ҟаиҵеит аррахь анаԥхьара лаҵара 26 рахь ииагазарц.
Иара убас шәаԥхьар ҟалоит:
- Џьапуа: арратә маҵзурахьы инеиуа арԥарцәа аџьабаабара иашьцылам
- Аррамаҵурагьы ԥшыр акәхеит: Аԥсны аррахь анаԥхьара аҿҳәара инахоит
