АҞӘА, рашәара 16 – Sputnik. Аҵыхәтәантәи уахыки-ҽнаки рыла Аԥсны акоронавирус аӡәгьы идбалам ҳәа адырра ҟанаҵоит Ауааԥсыра COVID-19 рацәыхьчаразы аоперативтә штаб.
"Акоронавирус амазаара агәаҭаразы абиоматериал рымхын 26-ҩык атәылауаа, адиагноз COVID-19 уаҩы изықәыргылам" - ҳәа азгәаҭоуп адырраҭараҿы.
Иааидкыланы Аԥсны иахьаҵанакуа акоронавирустә чымазара ҿкы шьақәдырӷәӷәахьеит 38-ҩык ауааԥсыра рҟны. Урҭ рахьтә 27-ҩык ргәы бзиахеит, жәаҩык ахәышәтәырҭа иҭоуп. Акоронавирус зцәа иалаз аԥҳәыс бырг лыԥсҭазаара далҵит.
Адунеи аҿы акоронавирус рцәа иалоуп ҳәа шьақәдырӷәӷәахьеит аа-миллионҩык рҟны, урҭ рахьтә ԥшь-миллионҩык ргәы бзиахахьеит, 430 нызқьҩык инарзынаԥшуа рыԥсҭазаара иалҵит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
