"Ахаан иаҳхашҭуам": Ашҭа ҟаԥшь аҿы Аиааира апарад мҩаԥысит

© Sputnik / Илья Питалев / Амедиаҵәахырҭахь аиасраУкрашение Москвы к параду Победы
Украшение Москвы к параду Победы - Sputnik Аҧсны
Анапаҵаҩра
Ашҭа ҟаԥшь аҿы Аиааира апарад иалахәын 14 нызқьҩык аруаа, 234 ак арратә техника, 13 тәыла рыррамаҵзурауаа рхаҭарнакцәа.

АҞӘА, рашәара 24 - Sputnik. Москва, Ашҭа ҟаԥшь аҟны ихыркәшахеит Аџьынџьтәылатә еибашьраҟны Аиааира 75 шықәса ахыҵра иазкыз апарад.

СССР ажәларқәа Европа ахақәиҭтәразы ахә ду ршәеит. Ҳара иаҳуалуп асовет жәлар ирыхҭысыз ҳәаа змам арыцҳарақәа рхамыршҭра иҳәеит Урыстәыла ахада Владимир Путин, апарад аартуа.

"Асовет солдаҭ иҭахымызт аибашьрагьы, ахьӡ-аԥшагьы, егьырҭ атәылақәагьы. Дара ирхықәкыз аӷа ииааира акәын, еибганы рыҩныҟақәа рахь ахынҳәра акәын. Зықьҩыла атәым дгьыл аҿы анышә иамардеит. Ҳара иаҳуалу - асовет жәлар ирыхҭысыз ҳәаа змам арыцҳара ахаан ахамыршҭроуп", - иҳәеит Путин.

СССР ажәларқәа ахааназ ирхашҭраны иҟам анацизм аҭра иҭазҟәаҟәаз асовет жәлар шракәу иҳәеит Урыстәыла ахада.

"Ҳара еснагь иаҳгәалашәалоит анацизм ҭазырхаз асовет жәлар шракәу. Асовет Еидгыла ареспубликақәа зегь рҟынтәи миллионҩыла ауаа еидгылеит аӷа ииааиразы", - иҳәеит Путин апарад аҿы иқәгылараан.

Ашҭа ҟаԥшь аҿы Аиааира апарад иалахәын 14 нызқьҩык аруаа, 234 ак арратә техника, 13 тәыла Азербаиџьан, Ермантәыла, Белоруссиа, Индиа, Ҟазахсҭан, Киргизиа, Китаи, Молдавиа, Монголиа, Сербиа, Таџьикисҭан, Туркменисҭан, Узбекисҭан рыррамаҵзурауаа рхаҭарнакцәа.

Кутузов ипроспект аҟны игылоу Атриумфалтә хыргьагьа аҿаԥхьа ишьақәдыргылеит Москва - Ақалақь Фырхаҵа ҳәа зну аеҵәа. - Sputnik Аҧсны
Москва блахкыгоуп: Аиааира Ду апарад рыҽшазыҟарҵаз

Апарад хыркәшан авиациа: адесант-транспорттә вертолиот Ми-26, арратә вертолиотқәа Ми-8 ԥшьба, авертолиотқәа Ми-35 ргәыԥ, арра-транспорттә вертолиотқәа Ка-52, аҳаирпланқәа Ми-28 А-50, Ил-76, Ту-95, Ту-22, Ту-160, Ил-78 рахыԥраарала. Анаҩс аоператив-тактикатә авиациа аҳаирпланқәа ргәыԥ МиГ-29, Су-24; ажәыларатә ҳаирпланқәа ԥшьба Су-57, абжьы иаԥхьанеиуа авиациатә ракетатә комплекс "Кинжал" зықәгылоу аҳаирпланқәа МиГ-31 москватәи ажәҩан иаҵаԥыруан.

Апарад иара убасгьы иалахәын 10 ҳаирпланк аоператив-тактикатә авиациа иатәу "Русские витязи" "Стрижи".

Апарад аҳаиртә хәҭа хдыркәшеит ажәыларатә ҳаирпланқәа Су-25. Урҭ москватәи ажәҩан Урыстәыла абираҟ аԥшшәхәқәа рыла ирҩычеит.

Апарад ашьҭахь Владимир Путини Москваҟа инеиз аҳәаанырцә ҳәынҭқаррақәа рхадацәеи Александровтәи абаҳчаҿ Идырым асолдаҭ инышәынҭра аҿаԥхьа ашәҭшьыҵәрақәа рышьҭаҵарахь инеит.

Иара убас шәаԥхьар ҟалоит:

Ажәабжьқәа зегьы
0