АҞӘА, рашәара 30 – Sputnik. Акоронавирус рцәа иалазар агәаҭаразы абиоматериал зымхыз 51-ҩык ҳтәылауа рахьтә ачымазара COVID-19 аӡәгьы идбалам ҳәа адырра ҟанаҵоит Ауааԥсыра COVID-19 рацәыхьчаразы аоперативтә штаб.
Иааидкыланы Аԥсны иахьаҵанакуа акоронавирустә чымазара ахҭысқәа 38 азгәаҭоуп. 33-ҩык ргәы бзиахеит, ԥшьҩык ахәышәтәырҭа иҭоуп. Акоронавирус зцәа иалаз аԥҳәыс бырг лыԥсҭазаара далҵит.
Аԥсны ауааԥсыра акоронавирустә ҿкы рацәыхьчаразы акоординациатә штаб анапынҵа ҟанаҵеит ԥхынгәы 15 инаркны атурситтә сезон аартра азҵаара ҭҵаазарц.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
