АҞӘА, ԥхынгәы 2 - Sputnik. Аԥсны иҳаҩсыз уахыки-ҽнаки рыла акоронавирустә инфекциазы игәарҭеит 128-ҩык ауааԥсыра, абри атәы аанацҳауеит Ауааԥсыра акоронавирус рацәыхьчаразы аоперативтә штаб.
"Иҳаҩсыз уахыки-ҽнаки рыла акорнавирустә инфекциа рылоу ирыламу агәаҭаразы 128-ҩык рбиоматериал рымхын, урҭ рахьтә аӡәгьы COVID-19 ихьуам", - аҳәоит адырраҭара.
Аԥсны иахьатәи аамҭазы авирус рыдырбалахьеит 38-ҩык. Урҭ рҟынтәи хҩык Гәдоуҭатәи ахәышәтәырҭа иҭоуп. 34-ҩык ргәабзиара шьақәгылахьеит, аӡәы лыԥсҭазаара далҵит.
Акоронавирус иадҳәалоу ажәабжьқәа шәрыԥхьар ҟалоит абра>>
