АҞӘА, ԥхынгәы 3 – Sputnik. Даҽа 168-ҩык Аԥсны ауааԥсыра акоронавирус амазааразы агәаҭара иахысит ҳәа адырра ҟанаҵоит Ауааԥсыра COVID-19 рацәыхьчаразы аоперативтә штаб.
"Иаҳхысыз уахыки-ҽнаки рыла акоронавирус рцәа иалазар агәаҭаразы абиоматериал рымхын 168-ҩык ҳтәылауаа. Ачымазара COVID-19 уаҩы идбалам", - ҳәа азгәаҭоуп адырраҭараҿы.
Иааидкыланы Аԥсны иахьаҵанакуа акоронавирустә чымазара ахҭысқәа 38 азгәаҭоуп. 34-ҩык ргәы бзиахеит, хҩык макьана ахәышәтәырҭа иҭоуп. Акоронавирус зцәа иалаз аԥҳәыс бырг лыԥсҭазаара далҵит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
