АҞӘА, ԥхынгәы 22 - Sputnik. Аҟәатәи ақлаақьтә хәышәтәырҭаҿы ишьҭаз Аԥсны атәылауаҩ акоронавирус шимоу ааԥшит, иара убас Шәачатәи ахәышәтәырҭаҿы COVID-19 идбалоуп Аԥсны иҟаз Ермантәыла атәылауаҩ ҳәа адырра ҟарҵоит Аԥсны Агәабзиарахьчара аминистрраҿы.
Аминистрра апресс-маҵзураҿы ишырҳәаз ала, акоронавирус зыдбалоу Аԥсны атәылауаҩ Краснодар ахәышәтәра дахысуан. Аԥсныҟа дааит жәамшҟа раԥхьа, аха иаалырҟьаны игәы рахәымкәа дҟалан, ахәышәтәырҭахь дааргеит. Акоронавирус шимоу шьақәырӷәӷәахеит ақалақьтә хәышәтәырҭаҿы.
Егьи аҩбатәи ачымазаҩ Аԥсныҟа дааит аԥарарҳаразы. Ареспубликатә хәышәтәырҭахь дааргеит уажәаԥхьа илаҽыз ачымазара ахы анцәырнага, уи ашьҭахь иуацәа иҟарҵаз аҳәарала Шәачаҟа дышьҭын, иара уброуп COVID-19 шимоу ахьаарԥшхазгьы.
Акоронавирус иазку егьырҭ ажәабжьқәа шәрыԥхьар ҟалоит абра>>
