АҞӘА, ԥхынгәы 23 - Sputnik. Аладатәи арратә округ аррамаҵзурауаа – акинологцәа амаҵзуратә лақәа разыҟаҵара иалагеит ҳәа аанацҳауеит арратә округ апресс-маҵзура.
Аруаа-акинологцәа алақәа амаҵуратә командақәа, аԥкырақәа рхысшьа ддырҵоит.
"Настәи аетап аан азыҟаҵара ҷыдақәа мҩаԥгахоит амина-ԥшааратәи аҷаԥшьаратәи маҵзурала. Идырҵахоит аилагара зуз иаанкылара, имҩангара, атәымуаҩ ишьҭеиҵаз афатә мап ацәкра, арратә обиектқәа рыхьчара, аиланхаратә ҭыԥқәеи аобиектқәеи, амина зҵоу адәқәеи амина рыҵхра", - аҳәоит адырраҭараҿы.
Ашықәс анынҵәо Урыстәылатәи Афедерациаҿы иҟоу Арбџьар мчқәа амаҵуратә лааӡара ацентрқәа 470 рҟынтәи арратә базахь иааргоит.
Арратә базаҿы амаҵуратә лақәа рыҟазааразы иргылоуп ҳаамҭазтәи акинологиатә қалақьмаҷ. 150 -100 метрԥшьыркца иҟоу аҭыԥ аҿы 10 инареиҳаны атренажиорқәа – амардуан, ацҳа, аанда ҳарак ыҟоуп, иргылоуп аволиерқәа.
Иара убас шәаԥхьар ҟалоит:
- Аԥсны иахьаҵанакуа "аӷа" ижәылара аԥдырҟәҟәааит урыстәылатәи аруаа
-
Адронқәа ржәылара: аруаа аԥырҩы дызҭам ахархәагақәа "ржәылара" аԥдырҟәҟәааит
