АҞӘА, ԥхынгәы 27 - Sputnik, Сариа Кәарцхьиаԥҳа. Апарламент адепутатцәа 2020 шықәсазтәи Ареспубликатә биуџьет ахь ариашарақәа аларгалеит ҳәа аалыцҳауеит Sputnik Аԥсны акорреспондент.
Афинансқәа рминистр Владимир Делба иажәақәа рыла, аԥсахрақәа ҵаҵӷәыс ирымоуп абиуџьет аусхк иаҵанакуа аусзуҩцәа ркатегориақәак рулафахәы ашьҭыхразы аусбарҭабжьаратә еиқәшаҳаҭрақәа. Урҭ инарыдҳәаланы иԥсаххоит абиуџьетбжьаратә трансфертқәа рҟазшьақәа.
Адепутат Баҭал Аиба арҭ аԥсахрақәа дырҿагылеит. Иара иажәаәқа рыла, иахьазы абиуџьет анагӡара 30% роуп иҟоу, уи азы апроект заацәоуп.
Аилацәажәарақәа рышьҭахь адепутатцәа аԥсахрақәа ирыдгылеит.
Аминистрцәа реилазаара ибзиоуп ҳәа ахнаҳәааит агәабзиарахьчара, аҵарадырра, аҭҵаарадырра, акультура, аспорт, асоциалтә маҵзурақәа русхк знапы алаку ауаа ркатегориақәак рулафахәы ашьҭыхра.
Иара убас шәаԥхьар ҟалоит:
- Афинансқәа рминистрра: 189 миллион мааҭ асоциалтә усхк иазырхахоит
