АҞӘА, ԥхынгәы 27 - Sputnik. Урыстәыла атәылауаҩ аҳәаахьчаҩ аҵарҭыша иҭаны аҳәаа ахысра лыгәҭакын. Ашықәс иалагазар ари абыжьбатәи хҭысуп ҳәа аанацҳауеит Краснодартәи атәылаҿацә аҿы иҟоу Урыстәыла АШәМ Аҳәаахьчаратә усбарҭа апресс-маҵзура.
"Иарбоу атәылауаҩ аҳәаахьчаҩ 5000 мааҭ аҵарҭыша иҭаны аҳәаа ахысра лҽазылшәеит. Лара илырдырын асеиԥш аумҭазы ашьауӷа дақәдыршәар шауа. Уи ашьҭахь аҳәаа ахысраз мап лыцәкын, ахҭыс Аусбарҭа аиҳабыра идырдырын", - ҳәа аҳәоит апресс-маҵзура аацҳамҭаҿы.
Сынтәатәи ашықәс аҩныҵҟа Аҳәаахьчаратә усбарҭа аҽа ф-хҭыск азгәанаҭахтьеит. Ахҭысқәа зегь раан аҳәаахьчаҩцәа адырра ҟарҵон аҵарҭышаҭаразы ашьауӷа хацыркхар шалшоз азы. Абри ашьҭахь иахәҭоу апроцедурала реиҳабыра рҟынӡа инаргон.
"Урыстәыла АЗ ахәҭаҷ 291.2. инақәыршәаны, аҵарҭышаҭарамаҷ (10 000 мааҭ рҟынӡа) аумҭаз ахараԥса уқәырҵоит 200 000 мааҭ рҟынӡа, мамзаргьы хымз ирыҵаркуа уулафахәы ахышәаҵышәала, ма шықәсыкынӡа ахыриашаратә усурақәа урыхрыжьуеит, иара убасгьы шықәсык инаркны ҩышықәсанӡа ухақәиҭра аԥкра уқәырҵар алшоит", - ҳәа рҳәоит Афедералтә шәарҭадаратә маҵзураҿы.
