АҞӘА, ԥхынгәы 31 - Sputnik. Гәылрыԥшь араион ауаҩԥсы иганахьала ашьаус хацыркуп анаркотикатә маҭәашьар закәаншьаҭада иахьиҵәахуаз, аҭиразы иахьааихәоз, иахьааигоз азы ҳәа аанацҳауеит Аԥсны ААР апресс-маҵзура.
"Рашь Баргнаџьиа иганахьала ашьаус хацыркуп Аԥсны АЗ ахәҭаҷ 224 ахәҭа 3; ахәҭаҷ 223 ахәҭа 1 апункт "в" инақәыршәаны", - аҳәоит адырраҭараҿы.
Барганџьиа иҩны анеимырдоз ирбеит аекспертцәа метадон ауп ҳәа ишьақәдыргылаз ахх-шкәакәа злаԥсаз аилаҳәара.
Аоператив-ԥшааратә уснагӡатәқәа раан Барганџьиа еиҭеиҳәеит анаркотикқәа рыҭиразы иалхыз аҭыԥқәа рҿы ишышьҭеиҵоз.
"Аҭира иазырхиаз аилаҳәара амилициа аусзуҩцәа ирыԥшааит Гәылрыԥшь араион ашкол аҿаԥхьа Абжьыуаа рымҩаду аҿы", - азгәарҭоит Аԥсны ААР аҿы.
Аҽа еилаҳәарак ԥшаан Гәылрыԥшь, адәқьан "Эдем" авара. Иааныркылаз амедицинатә гәаҭара дахыжьын. Уи ианарбеит Барганџьиа ихаҭагьы аметодон идкыланы дшыҟаз.
"Рашь Барганџьиа – акриминалтә еилазаараҿы "аҵакыратә хылаԥшҩы" ҳәа ззырҳәо азинхьчаратә усбарҭақәа дныркылеит ԥхынгәы 29 рзы", - аҳәоит апресс-маҵзура адырраҭара.
Абри атәылауаҩ иганахьала ашьаусҭҵаара мҩаԥнагоит араионтә ҟәша ашьаусҭҵааратә гәыԥ.
Иара убас шәаԥхьар ҟалоит:
- Аметадон аҳәаа иахызгоз Аԥсны атәылауаҩ даанкылоуп
-
Аԥсны ААР: Аҳәынҭқарратә хьчара аусзуҩцәа закәаншьаҭада абџьар раадырхәон
